Qendra e Kosovës për Siguri Publike, Edukim dhe Zhvillim
Më 26 mars të vitit 2008, me hyrjen në fuqi të Urdhëresës
Administrative të UNMIK-ut nr.2008/3, Qendra e Kosovës për Siguri
Publike, Edukim dhe Zhvillim, funksionon si agjencion ekzekutiv i
Ministrisë së Punëve të Brendshme.
QKSPEZH është përgjegjëse për sigurimin e standardeve profesionale të
bazuara në kompetencat që i janë dhënë për edukim dhe trajnim të
pjesëtarëve të agjencioneve të sigurisë publike.
Vizioni: Vizioni i QKSPEZH është të përgatisë dhe të zhvillojë më tej punonjës të mbajtjes së rendit dhe sigurisë, të aftë për të ofruar shërbim profesional e cilësor dhe të fitojë besimin e plotë të publikut.
Misioni: QKSPEZH si agjencion ekzekutiv i Ministrisë së Punëve të Brendshme është institucion që ofron mbështetje teknike, administrative dhe edukative për të gjitha Agjencionet e Sigurisë Publike, siq janë: Policia e Kosovës, Shërbimi Doganor i Kosovës, Departamenti për Menaxhimin e Emergjencave dhe Shërbimi Korrektues i Kosovës.
Brenda vitit në QKSPEZH trajnohen 12 deri ne 13 mijë zyrtarë të sigurisë publike në trajnime bazë, të avancuara dhe specializuara.
